កូនខ្មែរ

កូនខ្មែរ (បទពាក្យប្រាំពីរ)

ដោយ ៖ សា​ម៉​ន

ថ្ងៃចន្ទ ទី១៨ ខែកក្កដា ឆ្នាំ២០១១ ម៉ោង ០៩:៤៦

-ប្រាសាទតូចធំច្រើនអនេក                         កសាងល្អឯកស្នាដៃខ្មែរ
ចំលាក់ក្បាច់ក្បូរជាហូរហែ                          មើលទៅជាប់ស្នេហ៍គ្រប់ប្រុសស្រី ។
-សម្រស់ធម្មជាតិសព្វសត្វព្រៃ                    បវរប្រពៃក្នុងលោកីយ៍
ជាទីមនោរម្យស្រស់ប្រិមប្រិយ                    អង្គរសក្ខីល្អអស្ចារ្យ ។
-កូនខ្មែរក្លាហានហើយអង់អាច                    ចិត្តមិនខ្លបខ្លាចក្តីមរណា
លះបង់ជីវិតក្ស័យសង្ខារ                            ដើម្បីរក្សាកេរដូនតា ។
-ពួកសៀមយាយីឈ្លីទឹកដី                          ប្រទេសសេដ្ឋីចិត្តឫស្យា
ខ្មែរសាមគ្គីគ្នាវាយប្រហារ                           សៀមរងទុក្ខាយ៉ាងល្ហិតល្ហៃ។
-ពូជខ្មែរចំបាំងខ្លាំងពូកែ                             ដូនតាពុកម៉ែចេះកែច្នៃ
រួបរួមជួយគ្នាគ្រប់វិស័យ                            អង្គរស្កឹមស្កៃតំណាងជាតិ ។
-ប្រទេសជិតឆ្ងាយបានដឹងច្បាស់                  ក្នុងប្រវត្តិសាស្ត្រ​សៀមបញ្ជ្រៀត
កកើតទឹកដីធ្វើវិវាទ                                   រីករាងរីកមាឌឥតស្រាកស្រាន្ត ។
-កូនខ្មែរគ្រប់រូបមានប្រាជ្ញា                          កម្លាំងខ្លាំងខ្លានៅក្នុងប្រាណ
កម្ចាត់សត្រូវដែលរំខាន                             ប្រទេសថ្កុំថ្កើនយូរអង្វែង ៕
                                

និពន្ធដោយលោក សូរ ភឿន

សៀវភៅជីវិតអាពាហ៍ពិពាហ៍ប្រកបដោយសុភមង្គល

សៀវភៅជីវិតអាពាហ៍ពិពាហ៍ប្រកបដោយសុភមង្គល!