បើធ្វើនាម៉ឺន​

បើធ្វើនាម៉ឺន

បើអ្នកមានយស មានសក្តិខ្ពង់ខ្ពស់ គាប់នឹងរាជការ ធ្វើធំធ្វើថី មន្ត្រីមានត្រា ព្រះហ្លួងឧញ៉ា សាលាកុង្សីយ៍ ។ ចេះច្បាប់បារាំង កុំភ្លេចសច្ចំ កតញ្ញូខន្តី កុំឆ្មើងហួសមាឌ ភ្លេចញាតិប្រុសស្រី ជំនុំកាត់ក្តី យកឧបេក្ខា ។ កុំកាន់សីហលោ កុនកាន់លោភោ ទោសោមោហា កុំជក់អាភៀន កុំឃ្លានផឹកស្រា កុំស្អប់ត្រង់ណា សច្ចាយកត្រង់ ។ កុំដៀលអ្នកស្រែ ត្រកូលឯងខ្មែរ កុំប្រែក្រឡាស់ ក្រឡេកឃើញគុណ ទន់ខ្លួនសំពះ កុំធ្វើអ្នកណាស់ កុំត្មះអ្នកក្រ ។ អ្នកកុំភ្លេចគុណ គ្រូលេខនព្វន្ត គ្រូសូត្រអក្សរ កុំចាប់ដៃទាញ គំនាប់ងក់ក កុំជជែកត សើមិត្តសម្លាញ់ ។ រាស្ត្រចូលជ្រក កុំថាគេថោក កុំអើឯងអញ ពាក្យពុំពីរោះ គេកើតមួខ្នាញ់ គេដៀលផ្ចាលផ្ចាញ់ អន្តរាយកេរ្តិ៍ឈ្មោះ។ (ភិរម្យ ង៉ុយ)