ក្រីក្រ

	ក្រីក្រ
-​ក្រីក្រ​អត់បាយ​	​កូន​ឪពុកម្តាយ​	​កាយ​ស្ទើរ​មរណា​
​ស្រូវប្រាំង​គ្មាន​ធ្វើ​	​​ខូច​ស្រូវវស្សា​	​ជីវិត​ខ្លោចផ្សា​
​	​ពឹង​អ្នកណា​បាន ។​
-​ក្រីក្រ​អត់​ប្រាក់​	​ញើស​ហូរ​សស្រាក់​	​​ចាក​ឆ្ងាយ​ទី​ឋាន​
​ប្រឹង​គ្រប់​ច្រកល្ហក​	​​រក​ទទួលទាន​	​ព្រោះតែ​រោគ​ឃ្លាន​
​	​ឥត​មាន​ពេល​ល្ហែ ។​
-​ក្រីក្រ​អត់​ប្រាក់​	​បញ្ចាំ​បណ្តាក់​	​ទ្រព្យ​កេរ្តិ៍​ដីស្រែ​
​ទិញ​ម៉ូត​ឌុប​	​​យប់​ចោរ​ដើរ​ក្បែរ​	​​ថ្ងៃ​ខ្លាច​កញ្ចែ​
​	​ប៉ូលិស​ហៅ​ផាក ។​
-​ក្រីក្រ​អត់​ផ្ទះ​	​បើ​សង់​ផ្តេសផ្តាស​	​​ច្បាស់​ជា​ពិបាក​
​ជម្រក​ស្នាក់នៅ​	​រុះរើ​ឥត​ស្រា​ក​	​ខ្ទម​តូច​តោកយ៉ាក​
​	​ម្ចាស់​ទុក្ខ​កង្វល់ ។​
	​តូច រំលឹក​