ចៅចិត្តវិបល្លាស់
2012-01-31
ដោយ យុន សុគុណ្ណា
១.មករៀនទីក្រុង លង់ខ្លួនឲ្យផុង ភ្លើងពណ៌ឆើតឆាយ
ឈ្លក់ទឹកម៉ាស៊ីន ព្រោះតែសប្បាយ ចាយវាយខ្ជះខ្ជាយ
មិនខំសិក្សា។
មិនខំសិក្សា។
២.យាយបានផ្ដែផ្ដាំ ចៅអើយចូរចាំ កុំភ្លេចឡើយណា
ត្រូវខិតខំរៀន កុំដើរហ៊ឺហា ត្រូវរកប្រាជ្ញា
ជាទ្រព្យប្រពៃ។
ជាទ្រព្យប្រពៃ។
៣.យាយគ្មានអ្វីចែក ឲ្យច្រើនអនេក ទៅដល់ចៅថ្លៃ
មានតែវិជ្ជា ល្អពន់ពេកក្រៃ ដូច្នេះចៅយាយ
ត្រូវចាំឲ្យជាក់។
ត្រូវចាំឲ្យជាក់។
៤.បែកគ្នាពីរឆ្នាំ ចៅមិនបានចាំ បណ្ដាំប្រត្យក្ស
ដែលយាយបានផ្កាំ ចំពោះរូបអ្នក យាយស្ទើរតែធ្លាក់
ថ្លើមចេញពីកាយ។
ថ្លើមចេញពីកាយ។
៥.មិនគួរចៅប្រុស ប្រព្រឹត្តកំហុស ខុសឆ្គងវែងឆ្ងាយ
នៅក្នុងជាតិនេះ យាយសែននឹកស្ដាយ មិនគួរជួបកាយ
ចៅចិត្តវិបល្លាស។
ចៅចិត្តវិបល្លាស។
៦.ចៅបានធ្វើខុស ប្រព្រឹត្តកំហុស ខុសចំពោះភក្ត្រ
ព្រោះតែថ្នាំញៀន ធ្វើឲ្យចៅធ្លាក់ ទៅក្នុងអន្ទាក់
អន្លង់លោកិយ។
អន្លង់លោកិយ។
៧.មានគេប្រាប់ថា ចៅគេចសាលា ជារៀងរាល់ថ្ងៃ
ម្ដេចធ្វើយ៉ាងនេះ ដូច្នេះចៅយាយ ចៅគ្មានប្រណី
ដល់យាយទេឬ?
ដល់យាយទេឬ?
៨.ចៅអើយយាយយំ ងទុក្ខក្រៀមក្រំ ថ្នាក់មានជំងឺ
ព្រោះចៅសម្លាញ់ ធ្វើឲ្យយាយឈឺ យាយមិនចង់លឺ
ពាក្យបែបនេះឡើយ៕
ពាក្យបែបនេះឡើយ៕
Cambodian Riel Converter
No comments:
Post a Comment